لغة الحوار

مهما اختلفنا فى الرؤى مهما اختلفنا فى القـــــــرار
لازم يكون دايما مابينا لغــــــــــــــــــــــــــــة للحوار
مش على كل هفـــوة نختلف ونولعـــــــــــــــــها نار
لازم يكون دايما مابينا لغــــــــــــــــــــــــــــة للحوار
أصل الخلاف تأثيره أقوى من كل أســـــــلحة الدمار
وأرجع واكررلازم يكون دايما مابينا لغـة للحـــــوار
دا اللى بيجـــــــرى اليومـــــين دول مابينَّا والله عار
لحد إمتى حيفضل شــــــــــعبك يابلدى بيتجرع مرار
لحد إمتى حنلاقى ناســـــــــــك بيهجروكِ وتبلغ فرار
لحد إمتى حيفضل الشـك والتخوين مابينَّا هو الشعار
إمتى حشـــــوفك ياشعب بلدىبتطلب حقوقك بالحوار
إمتى حشــوف فيكِ المواطن بيتعمل له مليون إعتبار
إمتى حشوف المسئولين بيدرسوا قبل مايتخذوا قرار
عندى الأمل إن بعد الليل يابلدى لازم حييـــــجى نهار